იტალიის რანგით მე-2 ლიგა ა2 გოლდში ნიკა მეტრეველის “ნაპოლი” “აგრიგენტოს” ესტუმრა და ოვერტაიმში 75:81 დამარცხდა.

საინტერესოა, რომ დასკვნითი მეოთხედის წინ, სტუმრები 10 ქულის სხვაობით იგებდნენ და თითქოს, გამარჯვება არ უნდა გასჭირვებოდათ, თუმცა, უპირატესობა დათმეს და სეზონში მე-2 მარცხი განიცადეს.

ქართველმა კალათბურთელმა მოედანზე 14:17 წუთი გაატარა და 2 ქულა, 2 მოხსნა და 1 პასი მოაგროვა. მეტრეველმა 1 ორქულიანი ჩააგდო, 1 სამქულიანი და 2 საჯარიმო კი ააცილა. ნიკას პასივში 1 დაკარგვა და 4 პერსონალური ფოლიც გახლდათ.

“ნაპოლის” 2 მოგება შერჩა და მე-7 ადგილზეა, მომდევნო მატჩს კი 2 ნოემბერს “სიგმა ბარსელონასთან” ჩაატარებს.