„მანჩესტერ სიტის“ მთავარი მწვრთნელი პეპ გვარდიოლა კევინ დე ბრუინის გადაწყვეტილებას გამოეხმაურა, რომელმაც კლუბის დატოვება გადაწყვიტა.

როგორც ესპანელმა სპეციალისტმა აღნიშნა, დე ბრუინის გარეშე შეუძლებელი იქნებოდა იმ წარმატებების მიღწევა, რომელსაც „სიტიმ“ ბოლო ათწლეულში მიაღწია.

„ბედნიერი დღეა იმის გათვალისწინებით, რომ დე ბრუინთან მუშაობა და გატარებული დრო სასიამოვნო იყო, ყველაფერი რაც მან მოგვცა, მისმა ადამიანობამ და გავლენამ ჩვენს წარმატებებში ბოლო ათწლეულში. მის გარეშე ეს ყველაფერი შეუძლებელი იქნებოდა. მეორე მხრივ, სევდიანი დღეა, რადგან ის ჩვენი ნაწილია და მიდის, როგორც მაშინ, როცა კომპანი, აგუერო და დავიდ სილვა წავიდნენ. სხვა გვარების დასახელებაც შემიძლია, მაგრამ ეს სამი მაგალითია. დიახ, სევდიანი დღეა.

ჯერ კიდევ 10 თამაში დარჩა, იმედი მაქვს, 11-იც. აქედან, 6 სახლში და ვიმედოვნებ, რომ გულშემატკივრები დე ბრუინს სიყვარულს დაანახებენ, იმ აღიარებს, რომელსაც იმსახურებს. მთავარია, ის კარგად იყოს. კევინთან ვისაუბრეთ, მას პრობლემები ჰქონდა, მაგრამ ახლა თავს უკეთ გრძნობს. მას და მის ოჯახს საუკეთესოს ვუსურვებთ“, - თქვა გვარდიოლამ.

შეგახსენებთ, რომ კევინ დე ბრუინი მანჩესტერ "სიტის" 2015 წელს შეუერთდა, მან ინგლისურ კლუბში 413 მატჩში 106 გოლი გაიტანა, 6-ჯერ მოიგო პრემიერლიგა, ერთხელ ჩემპიონთა ლიგა, ორჯერ ინგლისის სუპერთასი, ორჯერ ასოციაციის თასი და ხუთჯერ ინგლისის ლიგის თასი.