ცნობილმა საფეხბურთო ექსპერტმა ენრიკო ფედელემ ხვიჩა კვარაცხელიაზე ისაუბრა, მისი თქმით "ნაპოლიმ" მას მადლობა უნდა გადაუხადოს. მან ასევე აღნიშნა, რომ ვინც თვლის, რომ ნერეში ხვიჩას შეცვლის, ფეხბურთის არაფერი გაეგებათ.

"ხვიჩა კვარაცხელიას შეეძლო FIFA-ს მე-17 მუხლის გამოყენება, რის საფუძველზც "ნაპოლის" უფასოდ დატოვებას შეძლებდა, მაგრამ მან ეს არ გააკეთა და კლუბს მის სანაცვლოდ საშუალება მისცა 70 მილიონი ეშოვა. ამიტომ "ნაპოლიმ" მას მადლობა უნდა გადაუხადოს."

"რაც შეეხება დავიდ ნერეშს, ვინც თვლის და ჰგონია, რომ ბრაზილიელი ხვიჩა კვარაცხელიას შეცვლის, არამარტო ფეხბურთის, არამედ საერთოდ არაფერი გაეგებათ. კვარა ჯერ კიდევ "პარტენოპეის" ბომბარდირთა სიაშია, რასაც ვერ ვიტყვით ნერეშზე." - განაცხადა ფედელემ.

შეგახსენებთ, რომ ხვიჩა კვარაცხელიამ „ნაპოლიში“ 107 მატჩი ჩაატარა და 30 გოლი გაიტანა. ქართველი ფეხბურთელი მიმდინარე წლის იანვარში 70 მილიონის სანაცვოლოდ „პარი სენ-ჟერმენში“ გადავიდა.