ლევან შენგელიას „ოფი“ საბერძნეთის თასის ფინალში გავიდა და ტიტულის მოგებამდე ნაბიჯი აშორებს.

„ოფი“ ნახევარფინალის საპასუხო მატჩში „ასტერასს“ დაუზავდა (1:1), მაგრამ პირველი მატჩი მოგებული ჰქონდა (1:0), შესაბამისად, ორი შეხვედრის ჯამში გამარჯვებული გამოვიდა. შენგელია დღევანდელ ნახევარფინალურ მატჩში მოედანზე 70-ე წუთზე გამოჩნდა.

საბერძნეთის თასის ფინალში „ოფი“ 27 მაისს, პირეოსის „ოლიმპიაკოსს“ შეხვდება.

ავსტრიის თასის ფინალში გავიდა „ვოლფსბერგერი“, რომელიც ნახევარფინალში „ლასკს“ დაუზავდა (1:1), თუმცა პენალტების სერიაში 4:2 გაიმარჯვა. სანდრო ალთუნაშილი განაცხადში არ იყო. „ვოლფსბერგერი“ ფინალში „აუსტრიას“ ან „ჰარტბერგს“ შეხვდება.