პსჟ-ს კაპიტანმა მარკინიოსმა საფრანგეთის თასის ფინალში გასვლაზე ისაუბრა. როგორც მან თქვა, სწორ გზაზე არიან და ძალიან სასიამოვნოა, რომ ტრებლის მოგების შანსი აქვთ:
„ჩემპიონატში სწორ გზაზე ვართ, თასის ფინალში გავედით და ჩემპიონთა ლიგის მეოთხედფინალში ვართ. უკეთესზე ვერ იოცნებებ. ასე უნდა გავაგრძელოთ. ჩვენთვის ყველაზე გადამწყვეტი ორი თვეა. ყველა ფეხბურთელი ოცნებობს ამაზე. კარგ ფორმაში ვართ, თამაშის ხარისხიც კარგია. სირთულეების დროსაც კი, ჩვენი სათამაშო იდეა არ იცვლება. ყოველთვის წინ მივდივართ. სწორედ ეს ჩაგვინერგა მწვრთნელმა მას შემდეგ, რაც მოვიდა. დღეს გუნდი ასეთი მისი წყალობითაა“, - თქვა მარკინიოსმა.
