ურუგვაელმა თავდამსხმელმა ლუის სუარესმა გაიხსენა, რომ 2012-2013 წლებში ტურინის „იუვენტუსსა“ და ლონდონის „არსენალში“ გადასვლა სურდა, მაგრამ საბოლოოდ, „ლივერპულში“ დარჩა.

„2012 წლის ზაფხულში „იუვენტუსში“ გადასვლა მინდოდა, მაგრამ ბრენდან როჯერსმა „ლივერპულში“ დარჩენაში დამარწმუნა. წინა თვეებში ვხედავდი, რომ კლუბი არავის ყიდულობდა და ტოპ ფეხბურთელები ისეთ კლუბებში გადადიოდნენ, რომლებიც ჩემპიონთა ლიგაზე თამაშობდნენ. „იუვენტუსი“ დაინტერესებული იყო და წასვლა მინდოდა. თუმცა, როჯერსმა ყველაფერი გააკეთა იქამდე, სანამ არ დავრჩი.

2013 წელს კი, „არსენალში“ წასვლა მინდოდა, ისინი ჩემპიონთა ლიგაზე გამოდიოდნენ და დიდ ფულს მთავაზობდნენ. ერთ დღეს ჯერარდი მოვიდა ჩემთან და მითხრა, რომ საუკეთესო გადაწყვეტილება დარჩენა იქნებოდა და რომ ერთხელაც მასაც ჰქონდა „რეალიდან“ შეთავაზება. იმ დღეს სახლში დავბრუნდი და ვტიროდი, ჩემს მეუღლეს ვუთხარი, რომ იქ ვრჩებოდით“, - თქვა სუარესმა.

შეგახსენებთ, რომ საბოლოოდ, ლუის სუარესმა „ლივერპული“ 2014 წლის ზაფხულში დატოვა და კარიერა „ბარსელონაში“ გააგრძელა.