„პარი სენ-ჟერმენის“ ფეხბურთელი ხვიჩა კვარაცხელია დღეს, საფრანგეთის თასის ნახევარფინალში „დიუნკერკის“ წინააღმდეგ მატჩს გამოტოვებს.

ქართველ შემტევს ჯანმრთელობის მცირე პრობლემა აქვს, რის გამოც ის განაცხადში არაა. სავარაუდოდ, ხვიჩა მოედანზე 5 აპრილს, ლიგა 1-ში, „ანჟერის“ წინააღმდეგ დაბრუნდება. პსჟ-ს ამ შეხვედრაში ქულაც ეყოფა, რომ ჩემპიონის ტიტული გაიფორმოს.

მიმდინარე სეზონში ხვიჩა კვარაცხელიამ პსჟ-ს მაისურით ყველა ტურნირზე ჩატარებულ 15 მატჩში 3 გოლი გაიტანა, 3 საგოლე პასი გააკეთა და ერთხელ პენალტი მოიპოვა.