„კრაიოვას“ ნახევარმცველი ანზორ მექვაბიშვილი რუმინეთის ჩემპიონატის საჩემპიონო ზონის მეორე ტურის სიმბოლურ ნაკრებში მოხვდა.

ქართველი ფეხბურთელი ლიგის ოფიციალურმა ვებგვერდმა გამოარჩია. მექვაბიშვილმა ბუქარესტის „რაპიდთან“ მატჩში (2:1) გოლი გაიტანა და ტურის სიმბოლურში ზედიზედ მეორედ მოხვდა.

23 წლის ნახევარმცველს რუმინეთის ჩემპიონატის მიმდინარე სეზონში ჩატარებულ 21 მატჩში 3 გოლი აქვს გატანილი.

„კრაიოვა“ საჩემპიონო ჯგუფს 32 ქულით ლიდერობს, მომდევნო ტურში კი, 7 აპრილს, სტუმრად „კლუჟს“ დაუპირისპირდება.