35 წლის გერმანელი ფეხბურთელი თომას მიულერი სეზონის ბოლოს მიუხენის "ბაიერნს" დატოვებს. ამის შესახებ ინფორმაციას Bild და kicker-ი ავრცელებენ.

წყაროს ცნობით, მიუხედავად თომას მიულერის სურვილისა, რომელსაც კიდევ ერთი წლით უნდოდა "რეკორდმაისტერში" დარჩენა, კლუბის მესვეურებმა სხვა გადაწყვეტილება მიიღეს, რომლის მიხედვითაც გერმანელ ფეხბურთელს კონტრაქტს აღარ გაუხანგრძლივებენ.

ასევე ცნობილი ხდება, რომ როდესაც მიულერი საფეხბურთო კარიერას დაასრულებს "ბაიერნის" ხელმძღვანელობა მას კლუბში მუშაობის საშუალებას მისცემს.

გეტყვით, რომ თომას მიულერის დებიუტი "ბაიერნის" ძირითად გუნდში 2008 წლის 15 აგვისტოს ბუნდესლიგაში „ჰამბურგთან“ შეხვედრაში შედგა. მან შეხვედრის ბოლო 10 წუთში მოედანზე მიროსლავ კლოზე შეცვალა.

მიულერმა მიმდინარე სეზონში ყველა ტურნირზე 35 შეხვედრაში 5 გოლი გაიტანა და 5 საგოლე გადაცემა გააკეთა.