„ნაპოლის“ სპორტული დირექტორი ჯოვანი მანა გამოეხმაურა იმ ჭორებს, რომლის თანახმად, ანტონიო კონტემ შეიძლება გუნდი სეზონის ბოლოს დატოვოს.

იტალიელ სპეციალისტს ყველაზე ხშირად „იუვენტუსს“ და „მილანს“ უკავშირებენ, თუმცა მანამ აღნიშნა, რომ მას ორწლიანი კონტრაქტი „ნაპოლისთან“ აკავშირებს და ახლა მხოლოდ სეზონზე არიან ორიენტირებული.

„კონტეს მომავალთან დაკავშირებით ძალიან მშვიდად ვართ, მას კიდევ ორწლიანი კონტრაქტი აქვს და აწმყოზე ვართ ფოკუსირებული. სხვა ნებისმიერ რამეზე საუბარი ზედმეტია. შარშან მან ეს პროექტი აირჩია და ვიმედოვნებთ, რომ უპრობლემოდ გავაგრძელებთ ერთად მუშაობას“, - თქვა მანამ.

შეგახსენებთ, რომ ანტონიო კონტემ „ნაპოლი“ გასულ ზაფხულს ჩაიბარა.