ლა ლიგის 29-ე ტურში „ბარსელონამ“ „ჟირონას“ უმასპინძლა, რომელიც 4:1 დაამარცხა და ლიდერის პოზიცია ისევ დაიბრუნა.

პირველი ტაიმი ჰანსი ფლიკის გუნდმა ლადისლავ კრეიჩის ავტოგოლით მოიგო, რასაც მეორე ნახევრის დასაწყისშივე არნო დანჯუმამ უპასუხა. თუმცა „ბარსელონამ“ მალევე შეძლო წინ გასვლა რობერტ ლევანდკოვსკის გოლით. პოლონელმა სულ მალე დუბლიც გაიფორმა და მატჩის ბედი გადაწყდა. შემდეგ ფერან ტორესმაც გაიტანა.

„ბარსელონამ“ ლა ლიგაში ზედიზედ მეცხრე თამაში მოიგო, 66 ქულა დააგროვა და „რეალს“ 3 ქულით უსწრებს.

„ბარსელონა“ – „ჟირონა“ 4:1

გოლები: 1:0 კრეიჩი (43, ა.გ), 1:1 დანჯუმა (53), 2:1 ლევანდოვსკი (61), 3:1 ლევანდოვსკი (77), 4:1 ფერანი (86)