ჩინეთის ჩემპიონატის მესამე ტურში ვაკო ყაზაიშვილის „შანდონ ტაიშანმა“ სტუმრად „მეიჟოუ ჰაკა“ 4:3 დაამარცხა, მიუხედავად იმისა, რომ 0:3 მარცხდებოდა.

საოცარ ქამბექს სათავე სწორედ ქართველმა შემტემა დაუდო, რომელმაც პირველი ტაიმის მიწურულს შეამცირა სხვაობა და ანგარიში 1:3 გახადა. ვაკო შესვენებაზე შეცვალეს, ხოლო მეორე ნახევარში მისმა გუნდმა სამი უპასუხო გოლი გაუტანა მეტოქეს და მოიგო.

ყაზაიშვილმა მიმდინარე სეზონში პირველი გოლი გაიტანა. „შანდონ ტაიშანი“ 7 ქულით პირველ ადგილზეა, მომდევნო ტურში კი, 2 აპრილს, „ჩენგუდს“ უმასპინძლებს.