„ბარსელონას“ ფეხბურთელმა გავიმ პამპლონას „ოსასუნასთან“ მატჩში (3:0) პირველად მოირგო კლუბის კაპიტნის სამკლაური.

მან მადლობა პედრის გადაუხადა და აღნიშნა, რომ ძალიან ბედნიერია:

„ვამაყობ, ჩემთვის ოცნების ახდენაა „ბარსელონას“ კაპიტნობა. ბავშვობიდან „ბარსელონას“ გულშემატკივარი ვარ, რადგან ყოველთვის აქ ვიყავი. ძალიან ბედნიერი ვარ და ამიტომაც, მადლობა პედრის“, - აღნიშნა გავიმ.

შეგახსენებთ, რომ გავი „ბარსელონას“ მთავარ გუნდში 2021 წელს დააწინაურეს და მას შემდეგ 138 შეხვედრაში 9 გოლი გაიტანა.