ვეტერანმა იტალიელმა მწვრთნელმა ჯოვანი გალეონემ „იუვენტუსის“ და სერბეთის ნაკრების თავდამსხმელი დუშან ვლაჰოვიჩი გააკრიტიკა.

როგორც გალეონემ აღნიშნა, მას სლავი ფეხბურთელები ყოველთვის მოსწონდა, მაგრამ ვლაჰოვიჩმა უბრალოდ ბურთის გაჩერებაც არ იცის:

„მხოლოდ ამას ვიტყვი: ისინი ვლაჰოვიჩს თვეში ერთ მილიონს უხდიან, რომელიც ალბათ ერთადერთი სლავი ფეხბურთელია და ვიცი, რასაც ვამბობ, 80 წელია სლავი ფეხბურთელები მიყვარს, რომელმაც ბურთის გაჩერება არ იცის, უბრალოდ არ შეუძლია. ვნახოთ, ტუდორის ხელში როგორ ითამაშებს“, - თქვა გალეონემ.

შეგახსენებთ, რომ დუშან ვლაჰოვიჩმა „იუვენტუსში“ 2022 წლის იანვრიდან დღემდე 136 მატჩში 55 გოლი გაიტანა, მანამდე ის ფლორენციის „ფიორენტინასა“ და ბელგრადის „პარტიზანში“ თამაშობდა.