არგენტინის ეროვნული ნაკრების ფეხბურთელმა ხულიან ალვარესმა ბრაზილიასთან მოგებული (4:1 მიმოხილვა) მატჩის შემდეგ ჟურნალისტებთან ისაუბრა. მისი თქმით ლიონელ მესი რომ ჰყოლოდათ, შესაძლოა 2 ან 3 გოლი კიდევ გაეტანათ.

"გამარჯვებით მოხარულები ვართ, საუკეთესო თამაში ვაჩვენეთ, მესი რომ გვყოლოდა, შესაძლოა 2 ან 3 გოლი კიდევ გაგვეტანა. ჩვენ მათ სანახაობა ვაჩუქეთ. საოცარი შეგრძნებაა, როდესაც შენს ქვეყანას ეხმარები, ჩვენ გულშემატკივარს დიდი სიხარული ვაჩუქეთ და ამას ის ფაქტიც ემატება, რომ მსოფლიო ჩემპიონატის საგზური უკვე მოვიპოვეთ." - განაცხადა ალვარესმა.

გეტყვით, რომ არგენტინის ეროვნულმა ნაკრებმა უკვე ოფიციალურად მოიპოვა მსოფლიოს 2026 წლის ჩემპიონატის საგზური.

მასპინძლების, აშშ-ს, კანადისა და მექსიკის გარდა, არგენტინა მეოთხე ნაკრებია, რომელმაც საკვალიფიკაციო ეტაპიდან უკვე გაინაღდა მუნდიალის საგზური. მანამდე იგივე მოახერხეს იაპონიამ, ახალმა ზელანდიამ და ირანმა.