მადრიდის „რეალის“ თავდამსხმელს ენდრიკს 2026 წლის მუნდიალზე თამაში სურს, მაგრამ „რეალში“ მცირე სათამაშო პრაქტიკის გამო შიშობს, რომ განაცხადში შეიძლება ვერ მოხვდეს.

„სიმართლე გითხრათ, ვფიქრობ მსოფლიოს ჩემპიონატზე და მეშინია, რომ 2026 წლის მუნდიალზე ვერ მოვხვდები. ვნერვიულობ, იმიტომ, რომ მსოფლიოს ჩემპიონატზე თამაში ჩემი ოცნებაა. ამაზე საუბარიც კი რთულია. მინდა, ბრაზილიას მე-6 მსოფლიოს ჩემპიონის ტიტულის მოგებაში დავეხმარო“, - თქვა ენდრიკმა.

შეგახსენებთ, რომ ენდრიკს ბრაზილიის ნაკრებში 13 მატჩი აქვს ჩატარებული და 3 გოლი გაიტანა, ხოლო მიმდინარე სეზონში „რეალში“ 28 თამაშში 6 გოლით შეძლო თავის გამოჩენა, თუმცა, ის უმეტესად შეცვლებზე თამაშობს.