ემილიანო მარტინესს არგენტინის ნაკრებში შთამბეჭდავი სტატისტიკა აქვს. მან ურუგვაისთან ნაკრების რიგებში 50-ედ ითამაშა და 36-ჯერ კარი მშრალად შეინახა.

გამოდის, რომ დიბუმ მატჩების 72%-ში გოლი არ გაუშვა, რაც საოცარი შედეგია.

მარტინესმა არგენტინის ნაკრების შემადგენლობაში უკვე ოთხი ტიტულიც მოიგო: ორჯერ კოპა ამერიკა, ერთხელ მსოფლიოს ჩემპიონატი და ერთხელაც ფინალისიმა.

არგენტინის ნაკრების სუსტი რგოლი წლების განმავლობაში მეკარე იყო, მაგრამ მარტინესის გამოჩენით ასე ნამდვილად აღარ არის.