იტალიის ნაკრების მთავარმა მწვრთნელმა ლუჩანო სპალეტიმ გერმანიასთან მატჩამდე კომენტარი გააკეთა.
იტალიელი სპეციალისტი დარწმუნებულია, რომ მის გუნდს დორტმუნდში „ბუნდესნაკრების“ დამარცხება შეუძლია.
„შემადგენლობაში მეტ-ნაკლებად ოთხი ცვლილება იქნება. ვეცდებით, იგივენაირად ვითამაშოთ, როგორც პირველ მატჩში, დარწმუნებული ვარ, რომ ასეთი თამაშით ამჯერად შედეგი განსხვავებული იქნება. გვაქვს იმის შესაძლებლობა, რომ რამდენიმე ფეხბურთელის ფანტაზიის იმედი გვქონდეს, რომლებსაც შეუძლიათ ინდივიდუალური თვისებებით გუნდის დახმარება“, - თქვა სპალეტიმ.
შეგახსენებთ, რომ იტალიამ გერმანიასთან ერთა ლიგის პირველი მეოთხედფინალური მატჩი საკუთარ მოედანზე 1:2 წააგო.
