ფეხბურთი

19:11 | 20.03.2025 | ნანახია [] - ჯერ

კარეკა: "პსჟ-ს გადახდილი თანხაც მეტყველებს კვარაცხელიას შესაძლებლობებზე"

ვეტერანმა ბრაზილიელმა ფეხბურთელმა ანტონიო კარეკამ ნეაპოლურ მედიასთან ხვიჩა კვარაცხელიაზე ისაუბრა.

როგორც მან აღნიშნა, კვარაცხელიასთან ერთად „ნაპოლი“ სკუდეტოს მოიგებდა:

„ინტერი“ და „ნაპოლი“ ბოლომდე იბრძოლებენ, მიუხედავად იმისა, რომ „ვენეციასთან“ ფრე ჩემთვის სიმწარე იყო. თუმცა, ეს შეიძლება მოხდეს, დრამა არ უნდა მოვაწყოთ. ალბათ, „ატალანტაც“ გამოთიშული არ არის ბრძოლას. „ნაპოლიმ“ კვარას და ნერეშის გარეშე ბევრი რამ დაკარგა. ახლა ნერეში ბრუნდება, მაგრამ ქართველის ტრანსფერი მაინც სინანულის გრძნობას ტოვებს.

კვარაცხელია მომწონდა, რადგან ყოველთვის მეტოქეს უმიზნებს, ატყუებდა მას და თუნდაც, კარგი თამაში არ ჰქონოდა, მეტოქეებისთვის მაინც საშიში იყო. ის ხალხს აბედნიერებდა, თუმცა, ფეხბურთი ასეთია, პსჟ-მ უზარმაზარი თანხა დახარჯა, ესეც საკმარისია კვარას შესაძლებლობების გასაგებად. აქ რომ იყოს, სეზონს სხვანაირი დასასრული ექნებოდა, მიუხედავად იმისა, რომ „ნაპოლის“ სკუდეტოსთვის ბრძოლა ახლაც შეუძლია“, - თქვა კარეკამ.

შეგახსენებთ, რომ სეზონის დასრულებამდე 9 ტურით ადრე „ნაპოლი“ მეორე ადგილზეა და ლიდერი „ინტერს“ 9 ქულით ჩამორჩება.

0.070367