„ვალენსიას“ მთავარმა მწვრთნელმა კარლოს კორბერანმა „ოსასუნასთან“ მატჩის (3:3) შემდეგ გიორგი მამარდაშვილზე კომენტარი გააკეთა.
ესპანელ სპეციალისტს ჰკითხეს, შესაძლებელია თუ არა, დაცვაში თამაშის გამოსწორება და რა ხდება ბოლო პერიოდში მამარდაშვილის თავს, რასაც კორბერანმა შემდეგნაირად უპასუხა:
„დაცვაში თამაში ანალიზის საშუალებით უნდა გამოვასწოროთ. რა თქმა უნდა, არ ვარ კმაყოფილი დღეს დაცვაში ჩვენი თამაშით, სამი გოლით, რომელიც გავუშვით, გუნდი დავალებას ვერ ასრულებდა, თუმცა, არ მიყვარს ინდივიდუალურად ფეხბურთელების თამაშის შეფასება, ამას თითოეულ ფეხბურთელთან პირადად ვაკეთებ. გუნდური მუშაობით ვაკომპენსირებთ თუ ვინმე ინდივიდუალურად დაბალი დონის თამაშს ატარებს“, - თქვა კორბერანმა.
„ვალენსია“ 24 ქულით „ლას პალმასთან“ ერთად მე-17-მე-18 ადგილებს იყოფს, ხოლო მომდევნო ტურში 8 მარტს ბოლოადგილოსან „ვალიადოლიდს“ უმასპინძლებს.
