„უოტფორდის“ ფეხბურთელი გიორგი ჩაკვეტაძე ჩემპიონშიფის მე-13 ტურის სიმბოლურ ნაკრებში მოხვდა.
ქართველი ნახევარმცველი უშუალოდ ჩემპიონშიფის ვებგვერდმა გამოარჩია. გიორგიმ „შეფილდ უენსდისთან“ მოგებულ მატჩში (6:2) თავი საგოლე პასით გამოიჩინა და მიმდინარე სეზონში მეორედ მოხვდა სიმბოლურში.
ჩაკვეტაძეს მიმდინარე სეზონში ჩატარებულ 13 მატჩში 1 გოლი აქვს გატანილი, ხოლო 3-ჯერ საგოლე პასი გააკეთა.
„უოტფორდი“ ჩემპიონშიფში 22 ქულით მეხუთე ადგილზეა, მომდევნო ტურში კი, 6 ნოემბერს, „სუონსის“ სტუმრად შეხვდება.
