„მანჩესტერ იუნაუიტედის“ ყოფილმა ვარსკვლავმა, ამჟად კი ფეხბურთის ექსპერტმა გარი ნევილმა ნეგატიურად ისაუბრა მადრიდის „რეალის" თავდამსხმელის ვინისიუსის რეაქციაზე „მანჩესტერ სიტის" ნახევარმცველის როდრის მიერ 2024 წლის „ოქროს ბურთის" მოპოვებაზე.

„ძალიან განაწყენებული ვარ იმ რეაქციით რაც ვინისიუსმა გამოხატა როდრის მიმართ, ჩემთვის როდრიმ, გარდა იმისა, რომ წარმოუდგენელი მოთამაშეა, საგრძნობი გავლენა მოახდინა მის გუნდზე და ნაკრებზე დიდი ტურნირის მოგების თვალსაზრისით.

ის არის ფეხბურთელი, რომელიც მსოფლიოში ყველას უნდა უყვარდეს. ის მსოფლიოში საუკეთესო ნახევარმცველია ამ მომენტში“, - თქვა ნევილმა The Overlap US-ში.

ჯილდოს გამოკითხვაში მეორე ადგილი დაიკავა მადრიდის რეალისა და ბრაზილიის ნაკრების თავდამსხმელმა ვინისიუს ჟუნიორმა. ფრანგული გაზეთი France Football-ის მიხედვით გასული სეზონის მსოფლიოს 5 საუკეთესო ფეხბურთელის სიაში ასევე მოხვდნენ: მესამე ადგილი - ჯუდ ბელინგემი (მადრიდის რეალი), მეოთხე ადგილი - დანიელ კარვახალი (მადრიდის რეალი), მეხუთე ადგილი - ერლინგ ჰოლანდი. (მანჩესტერ სიტი).