France Football-ის ვერსიით 2024 წლის საუკეთესო ახალგაზრდა ფეხბურთელი ლამინ იამალი გახდა. „ბარსელონას“ 17 წლის შემტევს რაიმონ კოპას სახელობის ჯილდო ერგო.

ბოლო ოთხი წელია ამ ტიტულს ყოველთვის „ბარსელონას“ ფეხბურთელები იგებენ.

ამჯერად, საუკეთესო ხუთეული ასეთი იყო:

1. ლამინ იამალი - ბარსელონა, ესპანეთი, 17 წლის

2. არდა გიულერი - რეალი, თურქეთი, 19 წლის

3. კობი მეინუ - მანჩესტერი, ინგლისი, 19 წლის

4. სავინიო - მანჩესტერ სიტი, ბრაზილია, 20 წლის

5. პაუ კუბარსი - ბარსელონა, ესპანეთი, 17 წლის

ლამინ იამალს 2024 წელი ძალიან წარმატებული ჰქონდა, არაერთი რეკორდი დაამყარა, "ბარსელონას" და ესპანეთის ნაკრების ლიდერად იქცა, ხოლო ზაფხულში ევროპის ჩემპიონის ტიტულიც მოიპოვა.