ინგლისის პრემიერლიგის მეშვიდე ტურში ლონდონის „ჩელსიმ“ გაუთვალისწინებელი ქულები დაკარგა და შინ „ნოტინგემ ფორესტს“ ვერ მოუგო.

სტუმრები მეორე ტაიმის დასაწყისში დაწინაურდნენ, რასაც მალევე უპასუხა ნოდი მადუეკემ, მაგრამ დარჩენილ დროში ენცო მარესკას გუნდმა გამარჯვების გოლი ვერ გაიტანა, მიუხედავად იმისა, რომ 78-ე წუთიდან რიცხობრივი უპირატესობაც ჰქონდა.

„ჩელსი“ 14 ქულით მეოთხე ადგილზეა, ხოლო „ნოტინგემს“ 10 ქულა აქვს და მეათეა.

ტურის კიდევ ერთი მატჩი დასრულდა ფრედ: ბირმინგემში, „ასტონ ვილამ“ და „მანჩესტერ იუნაიტედმა“ ერთმანეთს გოლი ვერ გაუტანეს და ქულები გაიყვეს. უნაი ემერის გუნდს 14 ქულა აქვს, ხოლო ერიკ ტენ ჰაგის გუნდს მხოლოდ - 8.