თურქეთის სუპერლიგის მე-6 ტურის ლიდერთა მატჩში, ჟოზე მოურინიუს „ფენერბაჰჩემ“ „გალათასარაის“ უმასპინძლა და 1:3 დამარცხდა.
„გალათასარაიმ“ ანგარიში მას შემდეგ გახსნა, რაც მასპინძელთა ხორვატმა მეკარე დომინიკ ლივაკოვიჩმა საკუთარ კარში შეაგდო ბურთი. მეორე, სტუმრებმა რამდენიმე წუთში გაიტანეს, ეს გოლი ყოფილი ნეაპოლელების ანგარიშზეა: ვიქტორ ოსიმენის გადაცემის შემდეგ დრის მერტენსმა გამოიჩინა თავი.
მეორე ტაიმში ბრაზილიელმა სარამ ანგარიში გაასამა. მასპინძელთაგან კი ერთადერთი საპასუხო ბურთი ედინ ჯეკომ გაიტანა თერთმეტმეტრიანით.
ამ გამარჯვებით „გალათასარაიმ“ უკვე 8 ქულით გაუსწრო უშუალო მდევარ „ფენერბაჰჩეს“ და სატურნირო ცხრილს უდანაკარგოდ ლიდერობს: 6 მატჩი 6 მოგება და 18 ქულა.
