მადრიდის „რეალის" მეკარე ტიბო კურტუამ უპასუხა კითხვას, თუ ვინ იმსახურებს ამ სეზონში „ოქროს ბურთის“ ჯილდოს.
„კარგი, დაე, ჩემმა ერთ-ერთმა თანაგუნდელმა მოიგოს ჯილდო. ყველა ნომინანტი ამის ღირსია, მადრიდის „რეალის" მოთამაშემ აუცილებლად უნდა გაიმარჯვოს“, - ციტირებს კურტუას სიტყვებს Marca.
„სამეფო კლუბის“ 2024 წლის „ოქროს ბურთს“ ნომინირებული მოთამაშეები არიან: ჯუდ ბელინგემი, ფედერიკო ვალვერდე, ვინისიუსი, დანიელ კარვახალი, კილიან მბაპე და ანტონიო რიუდიგერი.
გარდა ამისა, ამ ჯილდოზე ნომინირებული იყო „რეალის" ყოფილი ნახევარმცველი ტონი კროოსი, რომელმაც გასულ ზაფხულს კარიერა დაასრულა.
