„ბარსელონა“ ზამთარში მარჯვენა მცველის პოზიციის გაძლიერებას აპირებს. თავდაპირველად კატალონიელებს სურდათ ჟოაუ კანსელუს ყიდვა „მანჩესტერ სიტიდან,“ მაგრამ ის საუდურ „ალ-ჰილალში“ გადავიდა. ამჟამად ჟიულ კუნდე იძულებულია დაცვის მარჯვენა ფრთაზე ითამაშოს.

ამასთან დაკავშირებით, „ბარსა“ განიხილავს ოსკარ მინგესას ვარიანტს, რომლის კონტრაქტი „სელტასთან“ 2026 წლამდეა გათვლილი. ამასთან, კატალონიელებს აქვთ 25 წლის ესპანელის 9 მილიონ ევროდ გამოსყიდვის შესაძლებლობა. „ბლაუგრანამ“ ასევე შეინარჩუნა 20 მილიონი ევროს ღირებულების ფეხბურთელის უფლებების 50%.

კიდევ ერთი კანდიდატი „ბაიერნის“ იოზუა კიმიხია, რომელიც ივნისში შესაძლოა თავისუფალი აგენტი გახდეს. 29 წლის გერმანელს კარგად იცნობს „ბარსას“ მთავარი მწვრთნელი ჰანს-დიტერ ფლიკი მიუნხენურ კლუბსა და გერმანიის ნაკრებში ერთობლივი მუშაობიდან.