პარიზის პარალიმპიურ თამაშებზე R5 კატეგორიაში პნევმატური შაშხანის 10 მეტრზე სროლაში იასპარეზა ლადო ჭინჭარაულმა. მან 632,4 ქულა დააგროვა, რაც ფინალში გადასასვლელად საკმარისი არ აღმოჩნდა. ფინალში ასპარეზობის უფლება რვა საუკეთესო შედეგის მქონე პარასპორტსმენმა მოიპოვა.

ქართველი პარამსროლელი 4 სექტემბერს R9 კატეგორიაში 50 მეტრზე სროლაშიც იასპარეზებს. აღსანიშნავია, რომ ლადო ჭინჭარაული 2024 წელს ევროპის ვიცე-ჩემპიონი სწორედ R9 კატეგორიაში გახდა.