„ალ-ნასრის“ თავდამსხმელმა კრიშტიანუ რონალდუმ განაცხადა, რომ კარიერის დასრულებას ჯერჯერობით არ აპირებს.
39 წლის ლეგენდარული ფეხბურთელის მიზანია, რომ ორი-სამი წელი კიდევ ითამაშოს.
„არ ვიცი, კარიერას მალე დავასრულებ თუ არა, ორ-სამ წელიწადში, მაგრამ ამას სავარაუდოდ, „ალ-ნასრში“ გავაკეთებ. ამჟამად არ ვფიქრობ მწვრთნელობაზე, ეს არასდროს მომსვლია გონებაში, ვერ ვხედავ ჩემს თავს ამ მიმართულებით“, - თქვა რონალდუმ.
შეგახსენებთ, რომ კრიშტიანუ რონალდუმ მიმდინარე სეზონიც შესანიშნავად დაიწყო და სამ მატჩში ამდენივე გოლი გაიტანა.
