პარიზის ოლიმპიური თამაშებზე მე-12 საშეჯიბრო დღე დასრულდა, რომელიც საქართველოსთვის ისევ უმედლო გამოდგა.

შედეგად, ნელ-ნელა რეიტინგში ისახება ეს ყველაფერი - საქართველო უკვე 30-ეულს მიღმაა და 1 ოქროს, 2 ვერცხლის, 1 ბრინჯაოს მედლით 32-ე ადგილზეა. შედარებისთვის, გუშინ 28-ე საფეხურზე იყო.

მოწინავე ათეულში არანაირი ცვლილება არ მომხდარა. ლიდერი ისევ აშშ-ია, რომელსაც 27 ოქრო აქვს და კვალში მიჰყვება ჩინეთი 25 ოქროს მედლით. ყველაზე მეტი მედალი რაოდენობრივად ასევე ამერიკელთა აქტივშია - 94.

მედლების ჩათვლა

1. აშშ - 27 ოქრო, 35 ვერცხლი, 32 ბრინჯაო (სულ 94 მედალი)

2. ჩინეთი - 25 ოქრო, 23 ვერცხლი, 17 ბრინჯაო (65)

3. ავსტრალია - 18 ოქრო, 12 ვერცხლი, 11 ბრინჯაო (41)

4. საფრანგეთი - 13 ოქრო, 17 ვერცხლი, 21 ბრინჯაო (51)

5. დიდი ბრიტანეთი - 12 ოქრო, 17 ვერცხლი, 20 ბრინჯაო (49)

6. სამხრეთ კორეა - 12 ოქრო, 8 ვერცხლი, 7 ბრინჯაო (27)

7. იაპონია - 12 ოქრო, 6 ვერცხლი, 13 ბრინჯაო (31)

8. იტალია - 9 ოქრო, 10 ვერცხლი, 8 ბრინჯაო (27)

9. ნიდერლანდები - 9 ოქრო, 5 ვერცხლი, 6 ბრინჯაო (20)

10. გერმანია - 8 ოქრო, 5 ვერცხლი, 5 ბრინჯაო (18)

...32. საქართველო - 1 ოქრო, 2 ვერცხლი, 1 ბრინჯაო (4)

მედლების ჩათვლის სრული რეიტინგი...

საქართველოს დელეგაციას ოქროს მედალი ლაშა ბექაურმა მოუტანა (ძიუდო), ვერცხლი ტატო გრიგალაშვილის და ილია სულამანიძის (ორივე ძიუდო) აქტივშია, ხოლო ბრინჯაოს მედალს ლაშა გურული დაეუფლა (კრივი).