პარიზის ოლიმპიადაზე საფეხბურთო ტურნირი დიდი სკანდალით დაიწყო.

პირველ ტურში არგენტინა და მაროკო ერთმანეთს სენტ ეტიენში შეხვდნენ, სადაც მსაჯის მიერ კომპენსირებულ მე-16 წუთზე კრისტიან მედინამ ანგარიში გაათანაბრა (2:2) და არგენტინა თითქოს მარცხისგან იხსნა.

ამ გოლის შემდეგ მოედანზე მაროკოელი ქომაგები შევარდნენ, არგენტინელ ფეხბურთელებზე აგრესიაც გამოავლინეს, მათ შეხვედრა დასრულებული ეგონათ. მატჩი შეწყდა, შემდეგ გამოაცხადეს, რომ მატჩი დასრულდა, მაგრამ საოცრება მოხდა: მსაჯმა 2-საათიანი პაუზის შემდეგ მატჩი განაახლა, არგენტინელთა გოლი თამაშგარის გამო გააუქმა და ამრიგად, მაროკომ 2:1 მოიგო...

ფეხბურთის ისტორიაში ეს მატჩი ნამდვილად შევა, რადგან ძალიან იშვიათი რამ მოხდა - VAR-მა გოლი 2-საათიანი პაუზის შემდეგ გააუქმა. ეს ახალი ფურცელია ფეხბურთის ისტორიაში.