ძალოსანთა U17 ნაკრებმა საქართველოს დამოუკიდებლობის დღეს საქართველოს დროშა ყველაზე მაღლა ააფრიალა, მსოფლიო არენაზე საქართველოს ჰიმნი ააჟღერა და მკერდი ოქროს მედლებით დაიმშვენა!
ჭაბუკ ძალოსანთა ნაკრების ანგარიშზე გუნდური პირველი ადგილია, 8 მედალი მოიპოვა და მედლებით მესამე პოზიცია დაიკავა. ირაკლი ვეკუამ მსოფლიო ჩემპიონობა 3 ოქროს მედლით იზეიმა. გივი დარსაველიძემ ატაცში ბრინჯაოს მედლით მსოფლიო პრიზიორის ტიტული მიიღო.
ლუკა სილაგაძემ ატაცსა და აკვრაში ბრინჯაოს მედლები მოიპოვა, ხოლო ორჭიდის ჯამში ვერცხლის მედლის მფლობელი და მსოფლიოს ვიცე-ჩემპიონი გახდა!
ასევე წარმატებას მიაღწია 14 წლის ჯაბა ტყეშელაშვილმა. რომელმაც მიუხედავად ასაკისა, 17 წლამდელების შეჯიბრზე მედლის მოპოვება შეძლო. ძალოსანმა ატაცში მკერდი ვერცხლის მედლით დაიმშვენა და საქართველოს რეკორდის დამყარებაც შეძლო.
