UFC-ის ქართველი მებრძოლი მერაბ დვალიშვილი სევილიაში, „სევილია“ – „კადისის“ მატჩს დაესწრო და სერხიო რამოსი მოინახულა.
ესპანელმა მერაბს სახსოვრად თავისი მაისური, ასევე „სევილიას“ მაისური გადასცა, რომელსაც წარწერა „დვალიშვილი“ ამშვენებდა. ასევე, რამოსმა მას ბუცები აჩუქა ავტოგრაფით. თავის მხრივ, მერაბმა სერხიოს UFC-ს ატრიბუტიკა უსახსოვრა.
„მადლობა სტუმართმოყვარეობისთვის და საოცარი საჩუქრებისთვის, ჩემო მეგობარო. მშვენიერი იყო შენი თამაშის ყურება. ნამდვილი ლეგენდა ხარ და დიდ პატივს გცემ“, - დაწერა სოციალურ ქსელში მერაბმა.
ლეგენდარულმა ესპანელმა ფეხბურთელმა შეხვედრის ვიდეო სოციალურ ქსელში გამოაქვეყნა და დაწერა: „მადლობა სტუმრობისთვის ჩემპიონო. სასიამოვნო იყო კვლავ შენთან შეხვედრა“.
