ფრანგულმა გამოცემა sudouest-მ „ბორდო“ – „დიუნკერკის“ მატჩის საუკეთესო ფეხბურთელად ზურიკო დავითაშვილი დაასახელა.
ქართველ ფეხბურთელს 10 ქულიანი შეფასებიდან 8 ქულა ერგო და გამოცემა მის შესახებ წერს:
„მარტის სანაკრებო პაუზიდან დაბრუნების შემდეგ ის აშკარად შეუჩერებელია. დახვეწილი დარტყმით მან „ბორდოს“ უპირატესობა გააორმაგა. ნაკრებიდან ის 5 მატჩში 3 გოლით და 3 საგოლე პასით დაბრუნდა. ბურთთან მისი ყოველი შეხება მეტოქისთვის ხიფათს წარმოადგენდა. მთელი სეზონის განმავლობაში ასეთი დავითაშვილ რომ ყოფილიყო, მას შეეძლო „ბორდოს“ მეტოქეებისთვის ბევრი ზიანი მიეყენებინა“.
შეგახსენებთ, რომ ზურიკო დავითაშვილს საფრანგეთის ლიგა 2-ში ჩატარებულ 33 მატჩში 6 გოლი აქვს გატანილი, 6-ჯერ კი საგოლე პასი შეასრულა. „ბორდო“ 44 ქულით მე-14 ადგილზეა, ხოლო მომდევნო ტურში 27 აპრილს, „ლავალს“ სტუმრად დაუპირისპირდება.
