ფეხბურთი

18:59 | 22.04.2024 | ნანახია [] - ჯერ

ოთარ კაკაბაძე: "ევრო 2024-ზე გასვლა ჩვენი საბოლოო სიტყვა არაა"

საქართველოს ნაკრების ფეხბურთელმა ოთარ კაკაბაძემ პოლონურ მედიასთან ინტერვიუში ევროპის ჩემპიონატის შესახებ ისაუბრა.

როგორც მან თქვა, ევრო 2024-ზე გასვლით საქართველოს ნაკრებს საბოლოო სიტყვა არ უთქვამს:

„საბოლოო სიტყვა ჯერ არ გვითქვამს. ეს არის ძალიან მნიშვნელოვანი რამ ჩვენი ქვეყნის მოსახლეობისთვის. ჩვენთვის ფეხბურთი მთავარი სპორტია. თითქმის 40 წელი ვიყავით დიდ ტურნირზე გასვლის სიხარულის გარეშე, ახლა ეს გულშემატკივრებს მივანიჭეთ. საბერძნეთთან მატჩის შემდეგ დიდი ზეიმი იყო.

კრიშტიანუსთან თამაში ნამდვილად საინტერესო გამოცდილება იქნება. პორტუგალიასთან მატჩი ჯგუფური ეტაპის ბოლო თამაში იქნება, ამ მატჩამდე, რაც შეიძლება მეტი ქულა უნდა ავიღოთ“, - აღნიშნა კაკაბაძემ.

შეგახსენებთ, რომ საქართველოს ნაკრები ევროპის ჩემპიონატზე ისტორიაში პირველად ითამაშებს. ვილი სანიოლის გუნდი F ჯგუფში 18 ივნისს თურქეთს (დორტმუნდში), 22 ივნისს ჩეხეთს (ჰამბურგში) და 26 ივნისს პორტუგალიას (გელზენკირხენში) დაუპირისპირდება.

სარეკლამო ადგილი - 23
250 x 500
0.113185