დღეს დილით UFC-300-ზე საოცარი ბრძოლა გაიმართა. მაქს ჰოლოვეიმ, რომელიც მსუბუქ წონაში გადაინაცვლა, ჯასტინ გეიჯის წინააღმდეგ იჩხუბა და მისი დამარცხება დრამატულად, ბოლო წამზე შეძლო. ამ გამარჯვებით კი ამერიკელი მებრძოლი BMF პრესტიჟულ ტიტულს დაეუფლა.

ეს ბრძოლა საინტერესო იყო ქართველებისთვის, რადგან სწორედ ჰოლოვეის წინააღმდეგ მოუწევს დაპირისპირება ილია თოფურიას. ქართველი მებრძოლი დარბაზში იმყოფებოდა და მაქსის გამარჯვების შემდეგ მასთან ჩხუბის სურვილიც გამოთქვა.

"ყველაფერი ნათელია. ჩემს მომდევნო ბრძოლას ჰოლოვეის წინააღმდეგ ჩავატარებ. მას ვურჩევდი, რომ ამ დღით ისიამოვნოს, რადგან ჩემთან ჩხუბის შემდეგ ყველაფერი თავის ადგილს დაუბრუნდება. დღევანდელ გამარჯვებას კი ვულოცაავ", - განაცხადა თოფურიამ.

მატადორის კომენტარს ჰოლოვეიც გამოეხმაურა. მის საუბარში ქართველის მიმართ საკმაოდ დადებითი განწყობა შეინიშნებოდა:

“თოფურიას ემოცია ჩემს ნოკაუტზე ვნახე. ბევრი ამბობს ეშინიაო, მე კი ამაზე ვერაფერს ვიტყვი. ილია მსოფლიოს ჩემპიონია, მის მიმართ ბევრი კითხვები მაქვს და პასუხის მიღება ბრძოლაში მინდა. ჩემთან ჩხუბის სურვილი გამოთქვა და ჩვენი პოტენციური დაპირისპირების შესახებ მისი კომენტარი მომეწონა. დანარჩენი ყველაფერი ჩხუბში გამოჩნდება", - თქვა ჰოლოვეიმ.