„მანჩესტერ სიტი" აპირებს „ვესტ ჰემის" 25 წლის შემტევი ნახევარმცველს, ბრაზილიელი ლუკას პაკეტას შეძენას, იმ პირობით, რომ ზაფხულის სატრანსფერო ფანჯრის დახურვამდე ქვეყნის საფეხბურთო ასოციაცია შეწყვეტს გამოძიებას ფეხბურთელის მიმართ ფსონების დადებისას სავარაუდო დარღვევების გამო - წერსThe Guardian.

შეგახსენებთ, რომ პაკეტა ამ სეზონის დასაწყისში ფსონების დადებისას წესების დარღვევაში დაადანაშაულეს.

მიმდინარე სეზონში პაკეტამ ყველა ტურნირზე 37 მატჩში მიიღო მონაწილეობა, რვა ბურთი გაიტანა და შვიდი საგოლე გადაცემა შეასრულა.

ფეხბურთელის ამჟამინდელი შრომითი ხელშეკრულება კლუბთან 2027 წლის ზაფხულამდეა ძალაში.