ვინ იქნება „ნაპოლის“ მწვრთნელი მომდევნო სეზონში ჯერ კიდევ უცნობია. პრესაში ძალიან ბევრის გვარმა გაიჟღერა, რომელთაგან ერთ-ერთი საინტერესო ანტონიო კონტეს ვარიანტია.
გამოცდილი სპეციალისტი უმუშევარია და ცნობილია, რომ აურელიო დე ლაურენტისის მთავარი ფავორიტია. როგორც ნეაპოლური რადიო იტყობინება, გადამწყვეტი დღეებია კონტეს „ნაპოლიში“ დანიშვნასთან დაკავშირებით.
მხარეები მოლაპარაკებებს აწარმოებენ, მაგრამ კონტეს თავისი მოთხოვნები აქვს დე ლაურენტისთან, რომლის დაუკმაყოფილებლობის გარეშე, კლუბში მუშაობას არ დათანხმდება.
წყაროს თანახმად, თუ კონტე უარს იტყვის, დე ლაურენტისი B გეგმას აამოქმედებს, რომელიც შეიძლება ვინჩენცო იტალიანო იყოს, ხოლო უკიდურეს შემთხვევაში არსებობს C გეგმაც, უფრო კონკრეტულად კი, ფრანჩესკო კალცონას დატოვება გუნდში მომდევნო სეზონისთვისაც.
შეგახსენებთ, რომ „ნაპოლიმ“ მიმდინარე სეზონი რუდი გარსიას ხელმძღვანელობით დაიწყო, შემდეგ ის ვალტერ მაძარიმ შეცვალა, ხოლო ამჟამად გუნდს კალცონა ხელმძღვანელობს.
