„სან ანტონიოს“ კალათბურთელმა სანდრო მამუკელაშვილმა „მემფისთან“ მატჩის შემდეგ კომენტარი გააკეთა. როგორც მან თქვა, ცდილობს თითოეული შანსი გამოიყენოს, რომელიც არც ისე ხშირად ეძლევა.

„ყველას გვინდოდა ამ მატჩის მოგება და მეორე ტაიმში დიდი მოტივაციით ვითამაშეთ, დაცვაში იდეალურად ვითამაშეთ. მწვრთნელმა გვითხრა, რომ „მემფისის“ წინააღმდეგ აგრესიულად თამაში იყო საჭირო, რაც გავითვალისწინეთ. მიხარია, რომ მოხსნებში კარიერის რეკორდი მქონდა და კარგია, რომ 11 ქულაც ჩავაგდე. ეს ყოველთვის სასიამოვნოა. შანსი არც ისე ხშირად მეძლევა, ამიტომ ვცდილობ, რომ ყველა შანსი გამოვიყენო, რაც ჩემი მომავლისთვის ძალიან მნიშვნელოვანია“, - თქვა მამუკელაშვილმა.

შეგახსენებთ, რომ ქართველმა კალათბურთელმა „მემფისთან“ 26 წუთში 11 ქულა და 16 მოხსნა მიითვალა, მოხსნებში კი, პირადი რეკორდი დაამყარა.