ტაილანდში მიმდინარე მსოფლიო თასზე, პარიზის ოლიმპიური თამაშების სავალდებულო სალიცენზიო ჩასათვლელ ტურნირზე 102 კგ. წონით კატეგორიაში საქართველოს ნაკრების წევრმა ირაკლი ჩხეიძემ იასპარეზა.

ძალოსანმა ატაცში 170 კგ. დაძლია და მე-16 ადგილზე გავიდა, ჩხეიძე აკვრაში დაძლეული 211 კილოგრამით მე - 7 საფეხურზეა, ხოლო ორჭიდში მოგროვილი 381 კილოგრამით მე-11 ადგილი ერგო.

აღსანიშნავია, რომ ჩხეიძემ მიმდინარე მსოფლიო თასზე სავალდებულო სალიცენზიო ჩათვლა გააკეთა.