ლევერკუზენის „ბაიერი“ გერმანიის თასის ფინალში გავიდა. ჩაბი ალონსოს გუნდმა ნახევარფინალში საკუთარ მოედანზე ქვედალიგელი „დიუსელდორფი“ ძალიან ადვილად 4:0 დაამარცხა.

მატჩის ბედი პირველივე ტაიმში გადაწყდა, როდესაც ფრიმპონგმა, ადლიმ და ვირტცმა სამი უპასუხო გოლი გაიტანეს. მეორე ნახევარში ვირტცმა დუბლიც შეასრულა.

ამრიგად, „ლევერკუზენი“ მიმდინარე სეზონში ყველა ტურნირზე ისევ დაუმარცხებელია (40 მატჩი), ხოლო გერმანიის თასის ფინალში, რომელიც ბერლინში გაიმართება, მეორე ბუნდესლიგის ბინადარ „კაიზერსლაუტერნს“ შეხვდება.