„ბარსელონას“ მეკარე, მარკ-ანდრე ტერ შტეგენმა „ნაპოლისთან“ მატჩის წინ პრესკონფერენციაზე ისაუბრა. როგორც მან თქვა, კარგ ფორმაში არიან და მხოლოდ მომდევნო ეტაპზე გასვლა სურთ.

„გვინდა გოლი არ გავუშვათ, რადგან თუ ამას აკეთებ, გოლის გატანის შანსი ყოველთვის. ბოლო დროს, კარის დაცვას კარგად ვახერხებთ. „ნაპოლის“ პირველ მატჩში უკვე ჰყავდა ახალი მწვრთნელი, მიუხედავად იმისა, რომ მაშინ სამუშაოდ ცოტა დრო ჰქონდა. უკვე ჩანდა, რომ ეს იყო გუნდი, რომელიც ინარჩუნებდა ბურთს, კონკურენციის გაწევა შეეძლო და უტევდა. ბოლო კვირებში „ნაპოლიმ“ ძალიან მოუმატა, ჩვენ ჩვენს გზაზე ვართ, მეტოქეს არ უნდა ვუყუროთ და მხოლოდ ჩვენს თამაშზე უნდა ვიფიქროთ.

მხოლოდ ხვალინდელ თამაშზე ვფიქრობთ, მომდევნო ეტაპზე გასვლა. კარგ ფორმაში ვართ, გვინდა წარმატებას მივაღწიოთ. პირველ მატჩში მათი სამი შემტევის წინააღმდეგ თავი ძალიან კარგად დავიცავით, თუმცა, ერთი მომენტით გოლი მაინც გაგვიტანეს. ხვალ ვეცდებით, საუკეთესოდ დავიცვათ თავი და არ მივცეთ მომენტების შექმნის შესაძლებლობა“, - თქვა ტერ შტეგენმა.

შეგახსენებთ, რომ „ბარსელონასა“ და „ნაპოლის“ მატჩი 12 მარტს, თბილისის დროით 23:45 საათზე გაიმართება.