„ლეჩეს“ მთავარი მწვრთნელი რობერტო დ’ავერსა დაკავებული თანამდებობიდან გაათავისუფლეს.

ამის მიზეზი კი, „ვერონას“ ფეხბურთელის, ტომა ანრისთვის მიყენებული ფიზიკური შეურაცხყოფაა. „ლეჩეს“ თავკაცმა მატჩის დასრულების შემდეგ, რომელიც მისმა გუნდმა უშუალო კონკურენტთან 0:1 წააგო, ანრის თავი ჩაარტყა, რამაც დიდი სკანდალი გამოიწვია.

შედეგად, „ლეჩეს“ ხელმძღვანელობამ მწვრთნელის დათხოვნის გადაწყვეტილება მიიღო.

„ლეჩე“ ბოლო დროს კრიზისშია და უკანასკნელ 5 ტურში მხოლოდ ქულა მოიპოვა. შედეგად, „ჯალოროსი“ 25 ქულით მე-15 ადგილზეა და გასავარდნ ზონას მხოლოდ 1 ქულით უსწრებს.