ნეაპოლელმა მომღერალმა ანდრეა სანინომ ხვიჩა კვარაცხელიას რჩევა მისცა. როგორც მან თქვა, ქართველისთვის ფრანჩესკო კალცონა შეიძლება იდეალური მწვრთნელი იყოს.
„მინდა, რჩევა მივცე ხვიჩა კვარაცხელიას, რომელსაც ვაღმერთებ და პირადად არ ვიცნობ: ფენომენი ხარ და ჩემი აზრით, თუ მოუსმენ სიტყვებს, რასაც დრის მერტენსი ყოველთვის ამბობდა, შეიძლება შენი საბოლოო გარდატეხისთვის კარგი იყოს. მერტენსმა რამდენჯერმე თქვა, რომ კალცონამ შეცვალა მისი ცხოვრება, შეცვალა მისი პოზიცია. ვფიქრობ, კალცონა კვარაცხელიასთვის შესაბამისი მწვრთნელია“, - თქვა სანინომ.
შეგახსენებთ, რომ კალცონასა და კვარაცხელიას ურთიერთობა იდეალურად არ დაწყებულა, რადგან პირველივე მატჩში ქართველმა შეცვლის გამო უკმაყოფილება ღიად გამოხატა.
