ესპანურ შეკრებაზე ქუთაისის „ტორპედომ“ ბოლო ამხანაგური მატჩი ჩაატარა. სტივ კინის გუნდმა „ვილიარეალი B-ს“ 4:1 აჯობა, გიორგი არაბიძემ კი ჰეთ-თრიქი შეასრულა.

ტალინის „ლევადიასთან“ (3:1) დუბლის შემდეგ გიორგიმ კიდევ ერთხელ გაიბრწყინა და ორჯერ ეფექტურად დალაშქრა მეტოქის კარი, ბოლოს პენალტით საბოლოო ანგარიში დააფიქსირა. ერთი გოლი პირესმა გაიტანა.

„ტორპედოს“ ესპანეთში ნაყოფიერი შეკრება გამოუვიდა, სადაც „სტაბეკთან“ წააგო, მაგრამ შემდეგ „ჰერკულესი“, „ლევადია“ და „ვილიარეალი B“ დაამარცხა. არაბიძემ ამ მატჩებში 6 გოლი გაიტანა.

გიორგი ისეთ ფორმაშია, რომ საქართველოს ნაკრებში შანსის მიცემას ნამდვილად იმსახურებს. მარტის სანაკრებო მატჩები კი კარსაა მომდგარი.