„ლივერპულის“ ყოფილმა ფეხბურთელმა ჯეიმი კარაგერმა გუნდის მთავარი მწვრთნელის იურგენ კლოპის პოტენციურ შემცვლელზე ისაუბრა.

„ახლა, თუ პრემიერლიგასა და ევროპას გადახედავთ და ფიქრობთ, ვინ არის „ლივერპულისთვის“ შესაფერისი, ჩემს ყოფილ თანაგუნდელს, ჩაბი ალონსოს ვერ გაექცევით. ის ევროპულ ფეხბურთში ალბათ ყველაზე ნათელ ახალგაზრდა მწვრთნელს ჰგავს, ამაში ეჭვი არ ეპარება.

დიდ პატივს სცემენ „ლივერპულში“ იმის გამო, რაც მან გააკეთა, როგორც ფეხბურთელმა. ის ჩემპიონთა ლიგის გამარჯვებულია და მსოფლიო ჩემპიონატიც მოიგო. ისეთ მწვრთნელებთან თამაშობდა, როგორებიც რაფა ბენიტესი, ჟოზე მოურინიუ და კარლო ანჩელოტი არიან. უბრალოდ ნახეთ, რას აკეთებს ალონსო ლევერკუზენის „ბაიერში,“ რომელიც მიუნხენის ბაიერნს ეჯიბრება“, - ციტირებს კარაგერის სიტყვებს Sky Sports.