კარიმ ბენზემამ შესაძლოა „ალ-იტიჰადი“ დატოვოს და მშობლიურ „ლიონში“ დაბრუნდეს. 35 წლის ფრანგის საუდის არაბეთიდან შესაძლო წასვლაზე ბოლო დროს სისტემატურად ვრცელდება ინფორმაცია.

ბენზემა არ არის ბედნიერი არაბეთში და რამდენიმე დღის განმავლობაში გუნდის ვარჯიშებში არც მონაწილეობდა.

ფრანგული მედიის ცნობით, „ლიონის“ მიზანია კარიმი დაიბრუნოს, მაგრამ ამ შემთხვევაში ფეხბურთელს ხელფასის მნიშვნელოვნად შემცირება მოუწევს, რადგან ცხადია, რომ „ლიონს“ „ალ-იტიჰადის“ მსგავსი ფინანსური რესურსები არ აქვს.

შეგახსენებთ, რომ კარიმ ბენზემა „ლიონის“ აღზრდილია, მთავარ გუნდში კი 2005-2009 წლებში 148 შეხვედრაში 66 გოლი და 27 საგოლე პასი მიითვალა.