ბერლინის „ჰერტას“ პრეზიდენტი კაი ბერნშტაინი, რომელიც მხოლოდ 43 წლის იყო, მოულოდნელად გარდაიცვალა.

კლუბის განცხადებაში არ არის აღნიშნული გარდაცვალების მიზეზი. „ჰერტამ“ სამძიმარი გამოუცხადა მის ოჯახს.

კაი ბერნშტაინი „ჰერტას“ ულტრას-დაჯგუფების, Harlekins Berlin 98-ის დამფუძნებელი და ლიდერი იყო, ხოლო 2022 წელს ის კლუბის პრეზიდენტად ხმების 55%-ით აირჩიეს.

ბერლინის „ჰერტა“ გერმანიის მეორე ბუნდესლიგაში 17 ტურის თავზე 25 ქულით მეშვიდე ადგილს იკავებს.