„ალ იტიჰადის“ თავდამსხმელი კარიმ ბენზემა საუდის არაბეთის კლუბს ზამთრის სატრანსფერო ფანჯარისას არ დატოვებს.

როგორც ჟურნალისტი ბენ ჯეიკობსი სოციალურ ქსელებში იუწყება, საუდის არაბეთის სუვერენული ფონდის და ქვეყნის სპორტის სამინისტროს ხელმძღვანელები აპირებენ შეინარჩუნონ ფრანგი ფორვარდი ადგილობრივი ჩემპიონატის განვითარების პროექტის ფარგლებში.

ადრე გავრცელდა ინფორმაცია, რომ „ალ-იტიჰადის“ მწვრთნელმა მარსელო გალარდომ ბენზემა გუნდთან ერთად ვარჯიშს ჩამოაშორა.

ბენზემა „ალ იტიჰადს“ გასულ ზაფხულს შეუერთდა თავისუფალი აგენტის სტატუსით. მიმდინარე სეზონში ფორვარდმა ყველა ტურნირზე 24 მატჩი ჩაატარა, რომელშიც 15 ბურთი გაიტანა და 5 საგოლე გადაცემა შეასრულა.

ფეხბურთელის კონტრაქტი საუდურ კლუბთან 2026 წლის ივნისის ბოლომდეა ძალაში.