ესპანეთის თასის 1/16 ფინალური მატჩი, რომელშიც ქვედალიგელი „ლუგო“ „ატლეტიკოს“ დაუპირისპირდა, მადრიდელების დამაჯერებელი გაიმარჯვებით 1:3 დასრულდა. ცხადია, შემდგომ ეტაპზე „ატლეტიკო“ გავიდა.

სტუმრები მატჩის მეორე წუთზე დაწინაურდნენ - გოლი ფორვარდმა ანხელ კორეამ გაიტანა. თუმცა შესვენებამდე „ლუგომ“ თავდამსხმელი ლეანდრო ანტონეტის გოლის წყალობით მოახერხა ანგარიშის გათანაბრება.

66-ე წუთზე „ატლეტიკო“ კვლავ დაწინაურდა - მემფის დეპაიმ გაიტანა. რვა წუთის შემდეგ კი ნიდერლანდელმა ფორვარდმა დუბლი შეასრულა. მატჩი ასევე დასრულდა - 1:3.

„ატლეტიკო“ ამჟამად ესპანეთის ჩემპიონატში მეხუთე ადგილზეა. დიეგო სიმეონეს გუნდმა 19 ტურის შემდეგ 38 ქულა დააგროვა. ამისდაკვალად, ლიდერებს მადრიდის „რეალსა" და „ჟირონას“ 10 პუნქტით ჩამორჩება.